Haurren danborradan izena emateko epea irekiko dute asteburuan

Ekainaren 30ean hutsik egiten ez duen hitzordua da haurren danborrada, San Pedro jaien barruan; parte hartu nahi dutenentzako izen-ematea irekiko dute asteburuan. Horretarako, izen-emate orria bete, eta kultura etxean, Luis Ezeizan, Jose Aranan edo Almenen entregatu beharko da, buzoietan sartuta, maiatzaren 23a baino lehen.

Haurren danborrada 4 urtetik aurrerakoentzat zuzenduta dago –txikienak 2014an jaiotakoak–, eta entsegu egunak, bestalde, astelehenetan eta eguaztenetan egingo dira, arratsaldeko seietan, pilotalekuan. Jantziak bueltatzeko azken eguna uztailaren 4a izango da.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.