Amaiera polita eman zioten Liburuaren Nazioarteko Egunaren harira Eskoriatzako bibliotekak proposatutako egitarauari, atzo, egubakoitza, Zaldibar antzokian; Ezagutuz ulertu eta ulertuz maitatu lehiaketako sariak banatu zituzten, eta Beheko Errota musika eskolako ikasleek ipuin musikatua eskaini zuten Dorleta Kortazar ipuin kontalariak gidatu zuen ekitaldian.
Irlandako istorio bat kontatuta zabaldu zuen aurkezleak ekitaldia, eta Molly neskatilaren kontakizunarekin hasieratik harrapatu zuen Zalldibar antzokian bildutakoen arreta. Beheko Errota musika eskolako ikasleak gonbidatu zituen segidan agertokira igotzeko, eta elkarrekin eskaini zuten Benan eta begigorri munstroa izeneko kontakizun musikatu ederra.
Ekitaldia borobiltzeko, aurten bosgarren aldiz egin duten Ezagutuz ulertu eta ulertuz maitatu lehiaketako sariak banatu zituzten. 57 lagunek hartu dute parte oraingoan, eta epai-mahaikideen esanetan, "erabakia kostata hartuta", Aroa Garro eta Olaia Balbas izan dira irabazleak.
Maiatzaren 2an, eguaztena, Hemen Debagoiena telebista saioan eskainiko da ekitaldiari buruzko erreportajea.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak