Eskoriatzako bidegorria berriz itxi dute gaur, beste lur-jausi baten ondorioz

Itziar Larrañaga Sarasola 2018ko mar. 27a, 12:42

Euriteen ondorioz hainbat lur-jausi gertatu dira Eskoriatzako bidegorrian aurten, Intxaurtxuetako zubia eta Olazarreko tunelaren artean. Egunotan egonkortze lanak egiten aritu dira eta atzo ireki egin zuten, baina gaur beste lur-jausi bat egon da, GOIENAk komunitatetik jaso duen irudiotan ikus daitekeen moduan.

Gipuzkoako Foru Aldundiak egin beharreko konponketa lanak hasi bitartean, herritarrek bidegorria erabili ahal izateko, behin behineko egonkortze lanak egiten ibili dira egunotan; baina gaurko lur-jausiaren ostean, diputazioko teknikariak egon dira bertan eta bidea ixtea erabaki dute.

Maldan behera jausi daitekeen lurrak eusteko jarrita daude hormigoizko blokeak, baina ezegonkorra den ezponda behin betiko egonkortzeko lanak burutuko dituzte orain. Pasa den astean diputaziotik jakinarazi zenez, guztira 2.262 metro koadroko azalera egonkortuko da, ezponda eusteko horma bat jarriz. Proiektuaren aurrekontua, berriz, 471.825 eurokoa da, eta hiru hilabetetan egingo dituzte lanok. Aurrekontua, Aldundiko Mugikortasun eta Bide Azpiegitura departamenduen artean finantzatuko dute.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak