Eguztenean, aldiz, 18:30ean, plaza apainduko dute, eta eguenera begira, zerbait morea edo larrosa eramateko deia luzatu dute antolatzaileek; baita, bokadilloa ere, emakume guztiek denak batera bazkaltzeko asmoz.
Arratsaldean, beste hainbat ekintza
18:00etan, elkarretaratzea izango da Fernando Eskoriatza plazan, eta ostean, 19:00etan, Frida antzerkia egongo da Zaldibar antzokian. Honekin batera, talogileek antolatuta, kantu poteoa egongo da herriko kaleetan zehar.
Udaleko emakumeek planto
Martxoaren 8an deituta dauden mobilizazioekin bat egitea erabaki dute, aho batez, udaleko emakumeek eta ostegunean, beraz, 11:00etatik 15:00etara bitartean ez dute lanik egingo
Horren ondorioz, udal bulego gehienak, harrera zerbitzua barne, 11:00etatik aurrera itxita egongo dira. Normaltasunez funtzionatuko dute udal liburutegiak eta kiroldegiak.
