Gaur, Aratuste-martitzenean, Arizmendi Almen ikastolako, Jose Arana guneko eta Luis Ezeiza Herri Eskolako ikasleak batu dira Joseba iñurrategi pilotalekuan jaialdia egiteko. Mexikarrak, arrantzaleak, errementariak, pilotariak, aizkolariak…, mota ezberdinetako mozorroak ikusi ahal izan dira bertan, baina goizeko ederrena, egunerako prestatu dituzten dantzak izan dira.
Guraso, familia, eta herritar ugari batu da txikienen dantzak ikusteko. Hala, pilotalekua beteta, dantza guztiak ikusi, eta gero txistorra-jana izan da bertaratu direnentzako.
Arratsaldean, 17:00etan, Kukumarroak izango dituzte plazan, eta ondoren, Andonik mugitzen nau DJ-a izango da. (Azken hau zehazteko dago plazan edo pilotalekuan izango den).
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.