Sansebastianak ospatuko dituzte gaur Eskoriatzako haurrek

San sebastianak Luis Ezeizan, 2017an.

Urtero bezala, San Sebastian eguna ospatuko dute Luis Ezeiza Herri Eskolako haurrek, eta gaur izango da hori, 15:45ean, Joseba Iñurrategi pilotalekuan.

Eguna ospatzeko, danborrada egingo dute, eta Haur Hezkuntzako eta Lehen Hezkuntzako lau mailetako haurrek hainbat pieza joko dituzte danborrekin.

Hiru pieza joko dituzte

Haurrek egindako sukaldari txapelak eta trajeak eramango dituzte ekitaldira, eta 15:45ean hasiko dira danbor hotsak entzuten. Urtero lez, aurrez entseatuta dituzten kantu hauek joko dituzte bertan: San Sebastian martxa, Diana eta Iriyarena, eta guraso, aitona-amona eta familiakoek haien ikuskizunaz gozatuko dute.

Ekitaldiari amaiera emateko, berriz, txokolatea hartzeko aukera izango dute eskolako haurrek.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.