Erasoan asmatu ez eta porrot mingarria jaso dute Eskoriatzako seniorrek etxean

Erasoan asmatu ez eta porrot mingarria jaso dute Eskoriatzako seniorrek etxean

Sailkapenaren aurrealdean dabilen Grupo Eme Oiarso SKT etorri zen Manuel Muñoz kiroldegira atzo iluntzean eta saskibaloi taldeko seniorrek ez zuten ezer egiterik izan. 27 eta 44 galdu zuten errenteriarren aurka.

Ohiko taldea ezin izan zuten osatu etxekoek, errendimenduko kadeteek kanporaketa garrantzitsua dutelako asteburuan, Donostian, eta hori igarri egin zuten. "Defendatzerakoan ondo jardun dugu, baina ez dugu asmatu erasoan" jakinarazi du Joserra Garai entrenatzaileak, eta saskiratze barik ez dago punturik. Nahiz eta aparteko meriturik ez egin, bukaeran alde handiarekin gailendu zen talde errenteriarra.

Juniorrak eta kadeteak igoera bila

Errendimenduko juniorrek eta kadeteek Euskal Ligara igotzeko final-fourra jokatuko dute asteburuan Donostian; juniorrek Aieten eta kadeteek Bidebietan. Bateko zein besteko bi talde onenek finala bihar eguerdian jokatuko dute.

Erlazionatuak

Eskoriatza-OiarsoSKT argazki galeria

Eskoriatza

Eskoriatza-OiarsoSKT-ren arteko partiduko irudiak.