Sarek antolatuta, urtarrilaren 13an manifestazioa egingo dute Bilbon, Prest gaude lelopean. Casillatik abiatuko da, 17:30ean, eta giza eskubideak, konponbidea eta bakea aldarrikatuko dituzte. "Ziklo berria" ezarri nahi dute antolatzaileek mobilizazio horrekin, eta Bilboko kaleak betetzeko deia egin dio Sarek euskal gizarteari.
Eskoriatzatik autobusa antolatu dute egun horretarako, urtero moduan, eta joan nahi duenak Inkernun eman beharko du izena, Bilbora joateko antolatu den autobusean joateko.
Aurten, bi aukera egongo dira Eskoriatzatik Bilbora joateko: goizetik joan nahi duenak 11:00etan izango du autobusa, erdiko geltokian, eta arratsalderako joan nahi duenak 15:00etan izango du autobusa. Hain zuzen ere, hamar euro ordaindu beharko da, Inkernun.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
