Espainiako txapelketan emaitza bikainak lortu dituzte Eskoriatzako gimnastek

Eskoriatzako gimnastak Espainiako txapelketan, Alacanten

Lorea Armendariz eta Nahia Arguiz, Alacanten jokatutako Gimnasia erritmikoko Espainiako txapelketan izan dira, eta emaitza bikainak lortu dituzte. Armendarizentzat, Espainiako lehenengo txapelketa izan da eta hamabigarren postuan geratu da. Arguiz, berriz, hiru pelotako eta bi sokako ariketan lehiatu zen, bere bost kideekin batera, zortzigarren postua lortuz.

Azaroaren 22tik 24ra bitartean jokatu da gimnasia erritmikoko oinarrizko kategoriako Espainiako txapelketa Alacanten, eta bertan izan dira Lorea Armendariz eta Nahia Arguiz eskoriatzarrak.

Bihar, Valladolideko txapelketara

Bihar, Valladoliderako bidea hartuko dute, Espainiako txapelketan lehiatzeko asmoz. Lehen ariketa, 20:23an egin beharko dute egubakoitzean, eta bigarren saioa, berriz, zapatuan, 13:23an. Bi ariketetan batzen dituzten puntuekin lehen zortzi postuetan geratzen badira, domekan jokatutako finalerako txartela lortuko dute.

Azkenik, Nahiak hala amaituko du Espainiako taldekako txapelketa, eta denboraldia indibidualki hasiko du.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.