Vivaldiren bi tronpetako kontzertua, Telemannen Tronpa kontzertua, Marceloren Oboe kontzertua, Pergolesiren flautarena, Haydnen 30. eta 49. Sinfoniak, Elgarren Serenade… halako obra konplexuak eskaini izan dituzte beraien ibilbidean zehar, baina biharko kontzertuan hainbat doinu euskaldun eskainiko dizkiete bertaratzen direnei: Pello Joxepe, Donostiako hiru damatxo, Haurtxo txikia, Akerra ikusi dugu eta Goiko mendian, besteak beste.
Arimaz Kamera Tolosako orkestrak Euskal Herriko musika herrikoia hari-orkestrarako egokitua eskainiko du zapatuan, 20:00etan, Eskoriatzako San Pedro elizan. Tolosako Eduardo Mocoroa Udal Musika Eskolako irakasle eta ikasle ohiek sortu zuten, 1999an, eremu akademikoaz gain musika jarduerarekin jarraitzeko asmoz, eta 2006az geroztik, Kepa Martinez de Albeniz da zuzendaria.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak