Eskoriatzak ez du inongo aukerarik izan (40-84)

Egubakoitzeko partiduko une bat.

Eskoriatzako saskibaloi taldeak jipoi galanta jaso zuen etxean Donostiako Antigua Luberri taldearen aurka. Ligako lehen postuetan amaituko den taldea da eta Eskoriatzak, bajek eraginda, gazte mailako sei jokalari eraman zituen. "Ez dugu aukerarik izan, ikasteko partidua izan da", dio Fernando Raso presidenteak.

Lehen laurdenera arte nahiko parekatuta joan ziren indarrak (20-22), baina bigarren laurdenetik aurrera donostiarrak nagusitasun osoz gailendu ziren. "Talde beteranoa da, oso fisikoa eta altua. Gu oso gazteak gara eta egubakoitzean ez genituen jokalari alturik. Badakigu halako taldeen aurrean ezer gutxi dugula egiteko, ikasten joatea baino", gaineratu du Rasok.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.