'Furgonetan: Dolomitak–Eslovenia–Bosnia–Kroazia' bidaiaren kontakizuna, eguaztenean

'Ostegun Bidaiariak' egitasmoko bigarren kontakizunaren kartela.

Iratxe Arrese eta Jon Kortazar eskoriatzarrek Dolomitak–Eslovenia–Bosnia–Kroazia bidaia egin zuten iaz furgonetan, eta Ostegun Bidaiariak ekimenaren barruan, eguaztenean egingo dute kontakizuna, 21:30ean, Zaldibar antzokian.

Pasa den eguenean, Iker Zugastik eman zion hasiera Ostegun bidaiariak egitasmoko lehenengo kontakizunari. Txilen lau urtez bizi izan da, eta bertan egindako bidaia guztien erretratua eskaini zien bertaratu zirenei. 70 lagun joan ziren kontakizuna entzutera, eta argazkiak erabiliz, Txilen bizi izan zituenak kontatu zituen jendaurrean.

Lehenengo bidaiaren kontakizunak izandako arrakastaren ostean, bigarren kontakizunera hurbiltzeko deia egin dute antolatzaileek. Hala, batetik, hurrengo bidaia prestatu nahi duenak ideia bat izan dezan, eta furgonetan egindako bidaia baten esperientzia ezagutzeko aukera izango delako, besteak beste.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.