Kataluniako erreferenduma babesteko manifestazioa deitu du Gure Esku Dago mugimenduak irailaren 16rako, Bilbon. Arratsaldeko bost eta erdietan Casillatik atera, eta, Autonomia kalea, Hurtado Amezaga eta plaza zirkularra zeharkatu ostean, udaletxean amaituko da mobilizazioa, Demokrazia. Bozkatu erabakitzeko lelopean.
Katalanek bizi duten egoerari sostengua emateko Eskoriatzatik ere autobusa izango da hara joateko. 15:00etan irtengo da, eta txartelak salgai daude dagoeneko, Hotela tabernan eta Goxo Txikin, zortzi eurotan.
Manifestazioaren antolatzaileek hau iragarri dute: "Irailaren 16an Bilbon begirunea eta errespetua adieraziko diogu Kataluniako herritarren gehiengoaren borondateari; hau da, herritarrek etorkizuna erreferendum baten bidez erabakitzeari".
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.