Eguzkia eta tenperatuta atsegina baliatuta ehundaka lagun elkartu dira Atxorrotxen. 11:00etan meza egin dute Gurutze Santuaren ermitan, eta goiz osoan zehar entzun dira eguraldi txarra usatzeko kanpai hotsak. Ura eta garagardoa agortu egin dira, eta arratsaldean herritarrek egindako tortillak salduko dituzte Eskoriatzako Plazan.
Era askotara igo dira eskoriatzarrak 783 metro dituen tontorrera; herrigunetik abiatzen den zementuzko bidetik, Bolibar auzotik edo Leintz Gatzagako Dorleta santutegitik.
18:00etan egingo duten tortilla salmenta Imanol eta Unai trikitilarien musikaren laguntzarekin egingo dute, eta bertan batuko den dirua Atxorrotx GKEk jasoko ditu, euren proiektuak gauzatzeko.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.