Bideo jokoen programazio tailerra bibliotekan

Bideojoku programazio tailerra.

Martxoaren 5erako eta 12rako –domekak biak– bideo jokoen programaziorako tailerra antolatu du Eskoriatzako Udalak, 8 eta 12 urte bitarteko haurrendako –Lehen Hezkuntzako hirugarren mailatik seigarren mailakoetara–.

Tailer honetan bideo jokoen programazioko pieza desberdinak ikasiko dituzte haurrek: pantaila interaktiboaren funtzionamendua, objektuak erabiltzea eta objektuei mugimendua ematea, hain zuzen ere.
Saioak domeka arratsaldeetan izango dira, Bibliotekan, 16:30etik 19:30era bitartean. Modu ludikoan egingo dira, helburua haurrek ondo pasatzea baita.

Tailerrean parte hartzeko izen-ematea otsailaren 16tik martxoaren 3ra bitartean izango da zabalik, eta, horretarako, gazteria@eskoriatza.eus helbidera idatzi edo kultura etxera 943 71 46 88 telefonora deituta edo bertara joanda egin daiteke. Tailerraren prezioa hamar euro da, eta lehenengo saioan ordaindu beharko da.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.