Ohitura den moduan, gaur, kinttada eguna, goizetik santa eskean ibili dira duela 18 urte jaiotako eskoriatzarrak.Zapi berdea lepoan, eurak dira gaurkoan protagonista, lehenengoko kinttada baitute.
Gazteenez gain, baina, lehenago jaiotakoen kuadrilek ere ez dute gaurkoan lagunartean bazkaria egin eta egun polit bat pasatzeko. Hala, kolore desberdinetako zapiez jantzi dira Herriko Plaza eta inguruko kaleak.
Txorizo mokadutxoa janez eta sagardo kupelean edalontzia beteta, giro paregabea jarri dute. Aresko elkartekoak ere bertan izan dira, Aresko martxarako boletoak eta kamisetak saltzen.