Hamabost zuhaitz landatu dituzte goizean iaz jaiotako eskoriatzarrek

Zuhaitz landareak landatzen goizean Eskoriatzan

Gurasoen eta anaia-arreben laguntza izan dute horretarako. Aitzurrarekin zuloa egin eta landareak sartu dituzte, aurreko urteetakoak baino handiagoak, "indarra hartu eta gal ez daitezen". Familia-argazkiak ere atera dituzte, albumean sartzeko.

Ibarraundi museoan elkartu dira eta handik oinez joan dira herrigunera, hango aparkaleku handiaren ondoan dagoen belargunean zuhaitzak landatzeko. Aitzurrak, landareak eta beharrezkoak zituzten tresnak banatu dizkiete gurasoei eta zuloak egiten hasi dira denak laster. Lurra aztertu eta harriak atera dituzte. Haiek utzitako tokian sartu dituzte gero zuhaitz landareak.

"Gehienak lizarrak dira. Erreka ondoan landatu ditugu eta gune honetarako egokiak direla uste dugu. Egia da aurreko urteetan landatu ditugunak baino handiagoak direla aurtengoak. Txikiak ziren haiek eta asko galdu egin dira, kosta egin zitzaien indarra hartzea-eta. Hori ez gertatzeko ekarri ditugu aurten handiagoak", azaldu du Saioa Alzuak, Ibarraundiko teknikariak.

Familia-argazkiak ere atera dituzte, argazkia albumean sartu eta 2016an jaiotako haur horrek eskolara eraman dezan. Batzuk beraiek landatutako zuhaitza zenbatgarrena zen ere kontatu dute, hurrengo bisitan doazenean zein zuhaitz den jakiteko. Aitzurrarekin zuloa egiten izerditu arren, domeka goiz polita pasa dute denek.

Erlazionatuak

Zuhaitz landaketa egin dute goizean Arbiñoste inguruan

Eskoriatza

Gurasoen eta anaia-arreben laguntzarekin landatu dituzte zuhaitz landareak iaz jaiotako eskoriatzarrek. Aurreko urteetan ere egin dute ekimen hau, ...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.