Lan egiteko begiraleak behar dituzte Gabonetako parkerako

Kiroldegiko igerilekuan umeak jolasean.

Eskoriatzako Gazteria Sailak adierazi du abenduaren 27an eta 28an Manuel Muñoz kiroldegian egingo den Gabonetako parkean lan egiteko begiraleak behar direla.

Hainbat ekintza izan ohi dira urtero, eta parkean egin beharko diren begirale lanak egiteko ezinbesteko bi baldintza jarri dituzte: batetik, euskara jakitea, eta, bestetik, 18 urtetik gorakoa izatea. Horrez gain, aintzat hartuko da: denbora libreko begirale titulua izatea –5 puntu–,  begirale  izateko ikasten jardutea –3 puntu–, irakasle-ikasketak eginda izatea edo horretarako ikasten jardutea –3 puntu–, udalekutan begirale moduan esperientzia izatea –puntu 1–, eta Eskoriatzako Gabonetako parkean begirale aritutakoa izatea eta udaleku itxietan esperientzia izatea –puntu 1–.

Izena emateko azken eguna abenduaren 20a izango da, eta interesa duenak gazteria@eskoriatza.eus helbidera curriculuma bidali edo 943 71 46 88 telefonora deitu dezake.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.