Garesti ordaindu du Eskoriatzak intentsitate barik kantxaratzea (2-3)

Jokin Bereziartua Lizarazu 2016ko aza. 20a, 20:17
Eskoriatzako jokalari Aratz Kortazar pase bat egiteko baloia loratzen.

Galdu egin du Eskoriatzak etxean, Basauriko Scalibur taldearen aurka (2-3). Lehen hamar minutuak bete aurretik bi gol jaso dituzte etxekoek eta markagailuari buelta ematea izugarri kostatu zaie, izan ere, kanpokoak oso fin aritu dira defentsa lanetan. Euskal Ligako hurrengo jardunaldian, Aretxabaletaren aurkako derbia jokatuko du Eskoriatzak.

Hasi eta berehala 0-2 atzetik jarrita, Basauriko taldea atzean ondo jarri eta baloia eman dio Eskoriatzari. Etxekoak, baina, ez dute aukera garbirik sortu bigarren zatia ondo sartu arte. Bost minutu eskas falta zirela, 1-2koa lortu du Jorge Morak penalti bikoitz bati esker.

Berdinketaren bila, atezaina jokalari bihurtu dute etxekoek baina erasoan egindako hanka sartze bat aprobetxatu du Scalibur taldeko atezainak hutsik zegoen beste atean gola egiteko. Azken segundoetan 2-3koa egin du Eskoriatzak baina ordurako berandu zen, ez zegoen berdinketarako astirik. Hurrengo jardunaldian Aretxabaletaren eta Eskoriatzaren arteko derbia izango da, Aretxabaletako Ibarra kiroldegian.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak