Oihal akrobazia egiten ikasteko aukera izango da azaroan

Azaroan oihal akrobazia ikastaroa hasiko da Eskoriatzako gimnasioan, pilotaleku azpiko gelan. Prezioa 15 euro da –klase solteak–, eta 40 euro, hilero astean behin joan nahi duenarentzat. Martitzenetan eta eguenetan izango dira saioak 18:30etatik 19:45era. Martitzenetan helduendako izango dira eta eguenetan haurrendako.

Oihaletan aritzeko hastapena izango da oinarrian ikastaroaren funtsa. "Lehenengo, beroketak egingo dira yoga pixka bat eginez, eta gero, oihaletara pasako gara figurak egitera", adierazi du Agurtzane Telleriak, oihal akrobazia ikastaroan irakasle izango denak.

Helburua talde finko bat osatzea dela adierazi du Telleriak: "Taldea osatzen bada, eta indarra hartzen badugu, herrian erakustaldi bat egitea da asmoa, beraiek nahi badute". Izena eman nahi duenak edo informazio gehiago behar duenak 609 556 210 telefono zenbakira deitu dezake, edo agur00.at@gmail.com helbidera idatzi.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.