Errigorako saskien kanpaina gaurtik aurrera Eskoriatzan

Errigora saskiak.

Nafarroa hegoaldea ardatz izanda, bertako produktuak Euskal Herrira zabaltzeko eta euskalgintzari bultzada emateko sortu zen Errigora egitasmoa.

Eskoriatzan gaur hasiko du Nafar hegoaldeko uzta euskara puzka leloa duen kanpaina Atxorrotx Kultura Elkarteak. Hala, 19:30etatik aurrera plazan egongo dira saskiak erakusten eta herritarren izenak jasotzen. 50 euroko prezioan izena eman, eta kanpaina amaitzean saskiak entregatuko dira.

Kanpainak urriaren 28tik azaroaren 8ra iraungo du, eta saski beltza edo zuria jasotzeko aukera izango da. Ordaindutakoaren %25, berriz,  Nafarroa hegoaldeko euskalgintzara bideratuko da. Saskiak eskatzeko beste modu bat info@atxorrotx.eus helbidea izango da.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.