Euskaraz hitz egiteko Mintzodromoa izango da

Eskoriatzako Berbalagunek ikasturte berriari ekingo diote, eta, hasierako ekitaldi moduan, Mintzodromoa antolatu da. Gaur izango da, Herriko Plazan, 19:00etan, eta orain arte Berbalagunak egitasmoan parte hartu dutenek edo probatu nahi dutenek izango dute aukera bertaratzeko.

Ekintza honen helburu nagusia ondo pasatzea da, eta, aldi berean, euskaraz egin ahal izatea, bakoitzak dakien neurrian. Izen-ematea plazan bertan egin daiteke lehenago hurbilduta, eta amaitzean, 20:00 aldera, luntxa izango da. Bertan, adin tarte eta euskara maila ezberdineko herritarrak elkartu nahi dira, eta mahai ezberdinetan jarrita gai ezberdinez hitz egingo da. Egunerokotasunean euskaraz mintzatzeko aukerarik ez dutenei edo, ohituraz, gaztelerazko harremanak egin dituztenei euskarazko harreman berriak sortzeko aukera emateko sortu zen egitasmo hau, eta aurtengoa bigarren edizioa izango da.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.