San Bartolome eguna ospatu dute gaurkoan Mazmelako auzotarrek

Urtero legez, mahaiaren bueltan batu dira mazmelarrak, gertukoenekin batera, abuztuaren 24ko San Bartolome eguna ospatzeko. Goizez, gainera, auzoko gazteen pilota partidez gozatu dute. Giro onean igaro dute eguna, abuztuko beroari modu ezin hobean aurre eginez.

Kirolarekin hasi dute eguna, lagunarteko pilota partiduekin, gazteak frontoian eta nagusiak begira.

Behin gosea eginda, elkartean egin dute bazkaria, berrogei auzotar inguru gerturatu direlarik. Bapo bazkaldu dute, denetarik izan baitute menuan: entsalada, ganbak, kroketak, arraina, okela, postrea, kafea eta kopa. Tripa beteta, bazkalostea luzatu egin zaie askori, lagunarteko solasaldietan murgilduta.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.