Iker Eskibel eskoriatzarra Gipuzkoako txapeldun

Iker Eskibel podiumean.

Iker Eskibel txirrindulari eskoriatzarra Gipuzkoako txapeldun izan da elite mailan Ataungo 52. San Martin Proban (02:55:45). Lasterketa, berriz, Euskadi fundazio taldeko Egoitz Fernandezek irabazi zuen (02:55:27) denborarekin.

Euskaldun txapelketaren zazpigarren proban, zortzigarren postua lortu zuen Infiesport taldeko elite mailako Iker Eskibel txirrindulariak sailkapen orokorrean, baina bere kategorian Gipuzkoako lehena geratu zen. Bere esanetan: "Denboraldia ez nuen oso ondo hasi lesionatuta nengoelako, baina gaur egun ondo ari naiz. Hemendik aurrerako bidea ere hala jarraitzea espero dut, eta garaipenarekin, bestalde, oso pozik nago".

Profesionaletara pasatzeko helburuaz

Profesionaletara salto egitea zaila dela ere adierazi du Eskibelek, baina lanean jarraituz lortzea gustatuko litzaiokeela adierazi du: "Talde gutxi daude hemen, eta ez da samurra. Hala ere, lasterketan emaitza hobeak lortu nahi ditut, eta ea posible den saltoa ematea…"

Iker Eskibel animatzera joan ziren lagunekin talde argazkian:

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.