Luis Ezeiza herri eskolako jaialdia ospatuko da zapatuan

Iazko jaialdian Luis Ezeizakoak herriko plazan. | imanol soriano

Urteroko jaialdia egingo dute zapatuan Luis Ezeiza ikastetxekoek. 11:00etan hasita,  dantzak egingo dituzte, lehenengo, herriko plazan, eta 12:00etan izango da eguneko hitzordu nagusia; izan ere, flashmob-a egingo dute Gatibu taldearen Euritan dantzan kantuarekin.

Plazako dantzak eginda, eskolako patioan jarraituko du festak. Eskola ondoko hesi zurian marrazkiak egingo dituzte haur, guraso eta irakasleek elkarrekin, eta ondoren, bazkari herrikoia egingo dute eskolako arkupeetan. Hau amaitzean, puzgarriak izango dituzte gaztetxoek, eta, jaialdiari amaiera emateko, berriz, apar festa edo disko festa egingo da; eguraldiaren arabera bata edo bestea.

Flashmob-a, ohitura jaialdian

Azken urteotan ohitura bilakatu da eskolako jaialdian flashmob-a, eta aurten ere ez da faltako. Oraingoan, ordea, ez dute bideoan grabatuko, ondo pasatzeko bakarrik antolatu dute.
Egingo duten dantza Gatibu taldearen abesti ezagunarena izango da; bere garaian, Hezkuntza Asterako prestatu zuten berbera. Hala, dantza ikasita dutela aprobetxatuz, guztiek batera dantzatuko dute giro onean.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.