Erabakitzeko eskubidearen gaineko herri galdeketa egunean, ekainaren 5ean, botoa eman ezin nahi duenak martitzen eta eguenetan aurrez emateko aukera izango du. 19:00etatik 20:00etara bitartean, plaza aurrean dagoen Erain Debagoienaren lokalean (Jose Arana kalea, 19). Bertan, galdera honi erantzuteko aukera izango da: Nahi al duzu izan euskal estatu independente bateko herritar? 16 urte edo gehiago dituzten eskoriatzarrek botoa emateko aukera izango dute aurrez, edo herri galdeketa egunean bertan, hain zuzen.
Ekainak 5eko egitaraua:
9:00 Suziriak eta txistularien diana. 11:00 Herriko taldeen ikuskizunak (dantzariak, gimnasia erritmikoa…). 12:00 Giza proba. Santa Marina plazan. 13:00 Gure Esku Dago dantza. Plazan. 13:30 Bertsolariak eta trikitilariak, herriko plazan. 14:30 Herri bazkaria plazan. Mahaiak egongo dira eta bakoitzak bere jana ekarri beharko du. 16:00 Haurrentzako jolasak eta tailerrak, Txirikila taldearen eskutik. 17:00 D-skarga eta Jasan musika taldeen kontzertuak, plazan 19:00 Jauzi dantzak, plazan 19:30 'Herritik mundura, mundutik herrira' fusio-dantzaldia, plazan. 20:00 Gure Esku Dago abestia eta denok dantzara, eguna ondo amaitzeko. Egun osoan zehar haurren tailerrak.
