Herri galdeketa

Erain Debagoienak lokal berria ireki du festa giroan

Eskoriatzako Erain Debagoienak lokal berria ireki du Maluta zegoen lokalean, herriko plaza aurrean. Lokal honen helburua sinadurak lortzea, eta informazioa banatzea da, eta jendea gerturatzeko, festa modura egin zen atzo inaugurazioa.

Txistulariek eman zioten hasiera ekitaldiari, eta musika eskolako abesbatzak, bertsolariek, eta trikitilariek girotu zuten arratsaldea. Horrez gain, tortilla pintxoak ere egon ziren salgai, eta jende asko gerturatu zen lokala barrutik ikusi, eta bide batez ekainaren 12ko galdeketaren alde sinatzera.

Lokalaren kanpoan, termometro bat eskegi zen, zenbat sinadura lortzen ari diren jakiteko, eta beste bi ere jarri dira Intxaurtxueta kalean, eta Goiko kalean.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.