Maite Peña gizarte politikako diputatua Jose Arana egoitzan izan da bisitan

Maite Peña diputatua eta udaleko ordezkariak egoitzara egin duten bisitan.

Maite Peña gizarte politikako diputatua Eskoriatzan izan da gaur eguerdian. Jose Arana nagusien egoitza bisitatu du diputatuak. Eskoriatzako alkate Joserra Zubizarretarekin eta egoitzako langileekin egoteko aukera ere izan du, egoera zein den jakiteko.

Nagusien egoitzak bertatik bertara ezagutzea da diputatuaren asmoa; modu horretan errealitatea zein den jakin eta beharrak zeintzuk diren identifikatzeko: "Hemengo egoera zein den ezagutzera etorri gara. Aldundiarendako oso garrantzitsua da eta helburu bezala daukagu lurraldearen oreka lortzea zerbitzuari dagokionez. Hori lortzeko, lehenengo gauza egoera zein den ezagutzea da", azaldu du Maite Peñak. Gaurko bisitan, Carlos Alfonso plangintza, inbertsio eta prestazio ekonomikoko zuzendaria eta Txaro Rodrigo mendekotasun zuzendaria izan ditu alboan Peñak.

Jose Arana egoitza

Abenduaz geroztik erabilgarri dituzten logelak bisitatu dituzte lehenengo; arduradunek esan dute lehenengo fasean egindako lanak direla horiek. Beste bi fase geratzen dira egiteke.

Jose Arana egoitzak 32 plaza ditu Diputazioarekin adostuta.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.