Ordu jakin batzuetan oinezkoek lehentasuna izango dute, eta ibilgailuak ezingo dira bertatik pasa. Errepidea itxita egongo den ordutegiak gaur egun dagoen moduan jarraituko du oraingoz, baina aldaketak egon daitezkeela adierazi du alkateak. "Dendari eta autobusen arduradunekin bilera egingo da hori zehazteko, baina printzipioz berdin jarraituko du".
Egurrezko posteak
Egurrezko posteak ere eztabaidagai izan dira herrian: batzuek diote estetikoki itsusiak direla; beste batzuek, ordea, errepidea eta espaloia banatzeko ondo ikusten dituzte… Dena den, alkateak adierazi du apirilerako kenduko direla; izan ere, Emakumeen Bira dela-eta lasterketa herriko plazan amaituko da.
Mugikortasuna herrian
Jose Arana kaleaz gain, herriko mugikortasunari, orokorrean, hainbat buelta eman behar dizkiotela adierazi du alkateak, baina denboraz hartuko dutela.
Aranburazabala kalea, Dorleta auzoko ingurua, eta Arbiñoste dira batez ere lehentasuna duten lekuak, eta leku horietan aldaketak edo konponketak egiteko garaian herriari galdetuko diotela azaldu du alkateak.