Eskoriatzako Udalaren jabetzakoak diren etxebizitzak errentan emateko deialdia egin du Udalak. Hauek dira Udalak errentan jarri nahi dituen etxebizitzak: San Pedro auzoa 9, 5.a ezkerra (80 m2), -San Pedro auzoa 9, 5.a eskuina (80 m2) eta Intxartxueta auzoa 26, 2.a eskuina (79,90 m2). Bada, eskaerak aurkezteko azken eguna otsailaren 26a izango da, 13:30ak arte.
Interesa duenak udaletxeko erregistro nagusian egin beharko du eskaera, eta kontratistak hainbat betekizun bete beharko ditu; esaterako, adinez nagusia izatea eta emantzipatua izatea, Eskoriatzako Udalean erroldatuta egotea… Bestalde, errentaren prezioa 130 eurotik hasita izango da.
Etxebizitzen inguruko informazio gehiago nahi duenak udaletxeko sarrera erregistroan egin dezake, Gizarte Zerbitzuetan edo www.eskoriatza.eus webgunean.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.