18:00etan, Olentzero eta Mari Domingi Apotzaga auzotik jaitsiko dira, eta ongietorria egingo zaie herriko plazan. Ondoren, txistulari eta soinujoleekin batera kalez kale ibiliko dira, eta herritarrek kantuz lagunduko dituzte.
Erregeen kabalgata
Urtarrilaren 5ean Meltxor, Gaspar eta Baltasar Eskoriatzan izango dira. Urtero moduan, gozokiak banatuz kabalgata egingo da, eta, amaitzean, Erregeek umeen eskutitzak jasoko dituzte herriko plazan.
Antortxeroak 17:30ean batuko dira kiroldegian, eta, bertatik abiatuta, Intxaurtxueta-Gaztañadui-Arbiñoste-Arana-herriko plaza bidea egingo dute. 18:30 aldera iritsiko dira herriko plazara eta gaztetxoek beraiekin egoteko aukera izango dute.
