Hemen, oharra osorik:
"Gure balorazioa positiboa da. Batetik, eta lehenbizi, hiritarren parte hartzea handiagatik; hauteskunde eguna normaltasunez igaro delako —gizartean ohiko bihurtu dena—, eta eskoriatzarrek, berriro ere, gugan jarri dutelako konfiantza.
Bigarrenik, atzoko emaitzek berresten eta egonkortzen dutelako gure lekua Euskadin, ustekaberik egon bada ere, esaterako, Araban izan dugun jaitsiera edota Geroa Bairen diputatua galdu izana, eta Hego Euskal Herrian alderdi bozkatuena izatea ez dugulako lortu.
Edozelan ere, Eskoriatzan lortutako emaitza bikainak nabarmendu nahi dugu, lehen indarra izaten jarraitzen dugulako; edota Gipuzkoan lortutakoak, gure posizioa indartu eta egonkortu egin delako. Podemosek irabazi badu ere, abertzale eta aurrerakoien erreferente gara lurraldean.
Bestetik, zorionak eman nahi dizkiegu Kongresurako gure sei diputatuei eta Senaturako beste seiei, Euskadik Madrilen izango duen benetako ahotsa direlako.
Azkenik, Podemos ere zoriondu nahi dugu Hego Euskal Herrian lortu dituen emaitza onengatik, nahiz eta Estatu Espainolean ez diren horren onak izan. Bereziki poztu gaitu, erabakitze eskubidearen, justizia sozialaren eta politika egiteko modu berrien gaineko adierazpenak entzun izana Podemoseko kideen ahotik".
