Zerendepya taldeak kontzertua eskainiko du bihar, Hotela tabernan, 19:30ean. Txus Gutierrezek eta Iban Peñakobak osatzen dute taldea, eta musika instrumentala egingo dute, hainbat gitarra-jole ezagunen bertsioak zuzenean eskainita. Besteak beste, Joe Satriani, Eric Johnson eta Andy Timmons gitarra-jole ezagunen bertsioak eskainiko dituzte.
Gitarra-jole ezagunen bertsioez gain, beraien lau kantu instrumental, eta Thin Lizzy talde irlandarraren abestiren bat ere joko dute besteak beste.
Txus Gutierrez aretxabaletarrak adierazi duenez: "Oholtzan bi izango gara, nik gitarra joko dut, eta Ibanek bateria. Baina aurrez beste hainbat instrumentu grabatu ditugu baxua, pianoa… esaterako, eta grabatuta ditugun instrumentuak jotzen ari garenarekin bat entzungo dira".
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.