Gaur, Euskararen Eguna dela-eta, hainbat ekintza izango dira Eskoriatzan. Ixotu Gazte Taldeak kriseilu hegalariak aterako ditu plazara, eta bertan herritarrek euskararen aldeko mezuak idatziko dituzte. Bakoitzak bere erara pertsonalizatuko ditu, eta gero denak batera zerurantz bidaltzeko dira, modu honetan, euskara ixotuz.
18:30ak arte, frontoian eta Luiz Ezeizako patioan hainbat ekintza egongo dira: dantzak, buruhaundiak, gaztaina erreak, haurrentzako munduko jolasak… Hauek bukatzean, Ixotuko kideek euskeraren egunerako prestatutako bideoa proiektatuko dute kontzejupen, eta kriseilu hegalarien salmenta eta photocalla egingo da.
19:00etan, txistularien laguntzarekin, kantu-poteoa hasiko da, eta 19:30ean kriseiluak zerurantz bidaliko dira, hala euskarazko mezuak lau haizetara zabalduz.
Ixotu gazte taldeak Eskoriatzako berbetaren hitzak galdetu ditu kalean
Ixotu gazte taldeak kontzejupen proiektatuko duen bideoa.
