Eskoriatzako areto futboleko neskek ezin izan dute etxean garaipena lortu. Lehen zatian jaso dituzte lau golak, lehena hasi eta bigarren minutuan. Atsedenaldiaren ondoren berriz, aukera gehiago izan dituzten, baina Idiazabalgo taldeak gehiago dela erakutsi du. Ander Romero entrenatzailearen esanetan: "Oso gaizki jokatu dugu, eta honen aurka lana egin beharko dugu" adierazi du.
Seigarren jardunaldia jokatu dute Eskoriatzako senior mailako neskek. Gaur, hirugarren postutik bosgarrenera jaitsi diren arren, ausartak direla erakutsi dute, eta borrokan jarraituko dutela. Izan ere, etxeko jokalarien lehen urtea da hau, eta aurkariak berriz, infantiletatik jokatzen dute.
Lanean jarraituz
Galdu arren, Ander Romero entrenatzaileak esan du lanean jarraituko dutela, eta sailkapena ez dutela kontutan hartzen. "Emakumezkoen kirola handitzea, eta indarra hartzea da gure lehen helburua. Garaipenak badatoz, askoz hobeto".
Azkenean, 0-4 amaitu da partidua, eta Alaitz Iregi kapitainak azaldu duenez: "Partidu txarra egin badugu ere, pena da gure jokoa erakutsi ez izana".
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak