Bidegik, Gipuzkoako Azpiegituren Agentziak, zuhaitzen marrazkiak dituen triangelu formako horma-irudi digitalarekin estaliko du GI-627 errepide gainetik doan pasabide zaharreko horma-bularra. Obrak astelehenean hasi ziren, eta 18 metro luze eta 6,4 metro garai den horma-bularreko irudia hamazazpi panelek osatuko dute. Horretarako, errepide bazterrean aldamioa jarri dute.
Aste Zapatistako kideek murala margotu zuten leku berean, eta margotzeko baimena eskatu zutenean hitzartuta zegoen pareta horren eraberritzea. Hala, Udaleko ordezkariekin hitz eginda, Bidegiren eskumena dela adierazi dute. "Gutxietsi gabe, Bidegik burutuko duen lana uste baino azkarrago gertatu da, artelan eder bat artifizial batengatik estaltzea…", adierazi dute Aste Zapatistako kideek.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.