Mendi irteera perretxikoak batu eta ezagutzeko

Aurten ere Koldotxo Guraso Elkarteko kide eta lagunek perretxiko jardunaldiak antolatu dituzte Eskoriatzan. Zapatuan, goizeko hamarretan herriko plazan batuta, perretxikoak ezagutzeko eta batzeko mendi irteera egingo dute. Nahi duenak du aukera bertara joan eta perretxiko batzean eta ezagutzan parte hartzeko.

Arratsaldean, berriz, 16:30ean, batutako perretxiko guztiak sailkatuko dituzte kultura etxean, Errotari Elkarte Mikologikoak gidatuta. Eta, hain zuzen ere, sailkatu, ikusi eta ikasi nahi duenak ateak irekita izango ditu.

Erakusketa domekan

12:00etatik 14:00etara perretxiko erakusketa egingo dute herriko plazan. Erakusketa dagoen bitartean, umeentzako margolaritza txapelketa izango da; gaia perretxikoak izango dira. Eta, horrez gainera, taloak egingo dituzte Koldotxo Guraso Elkarteko gurasoek eta lagunek.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.