Carlos Navarro entrenatzaile ezaguna Eskoriatzan izango da

Carlos Navarro entrenatzailea.

Carlos Navarro emakumezkoen areto futboleko entrenatzaile ezaguna Eskoriatzan izango da azaroaren 13, 14 eta 15ean hitzaldiak ematen. Doako formakuntza jardunaldiak burutuko dira Manuel Muñoz kiroldegian, eta Eskoriatza Kirol Elkarteak gonbidapena luzatu nahi die areto futboleko entrenatzaile guztiei bertaratu daitezen.

Eskoriatzako UdalaK, Kirol ElkarteaK eta areto futbol entrenatzaileen nazioarteko elkarteak (ANEFS) antolatutako ekimenak hiru hitzaldi antolatu ditu. Teorikoak, zein praktikoak izango dira, gaur egun, emakumezkoen areto futboleko lehen mailako Alacant unibertsitateko taldeko entrenatzailea den Carlos Navarroren eskutik.

Egubakoitza, azaroak 13

20:30ean, Ibarraundi museoan; Oinarritik, Elitera hitzaldia izango da. Gaur egun, emakumezkoen areto futbolean dagoen egoera aztertuko da.

Zapatua, azaroak 14

09:45tatik, 11:00etara Manuel Muñoz kiroldegian, teknika progresioaren inguruan arituko dira. Azalpen teorikoa eta praktikoak emango dira. Arratsaldean, 18:15ean berriz, bigarren mailako Ordizia eta Stylo Berrio taldeen derbia jokatuko da Ordizian. Hala, antolatzaileek bertara joateko gonbidapena luzatu dute.

Domeka, azaroak 15

Defentsa altua eta 4-0 fundamentuen inguruko azalpenak emango dira praktika moduan 11:30etatik, 12:30etara.

Doakoa izan arren, izena eman nahi duenak, edo informazio gehiago eskuratu nahi badu narcisopavo@hotmail.com helbidera idatzi dezake.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.