Lokatzik ez baina erakustaldi ikusgarriak Apotzagako 4x4 ibilgailuen trialean

Mirari Altube Arrese 2015ko urr. 24a, 17:07

Errubera erraldoiak dituzten ibilgailuak, goma erre usaina, ezinean dabiltzan motorren hotsak eta hautsa han eta hemen. Eskoriatzako Apotzaga auzo inguruan elkartu dira 28 ibilgailu bederatzigarrenez Eskomotor taldeak antolatuta. Eta ikusleek gogotsu hartu dute trial erakustaldia jende mordoa elkartu da-eta inguruotan.

Zortzi gune zehaztu dituzte eta horietan jardun dute autoek gora eta behera. Erakustaldia izan arren epaileak egon dira eta puntuak eman dizkiete araututakoa bete ezean, hala nola, behar baino denbora gehiago behar izanez gero gunetik pasatzeko, laguntza behar izanez gero autoak aurrera egiteko eta ibilbidetik irtenez gero.

Bi eratako autoak elkartu dira: prototipoak, hau da, paperik ez dutenak errepidean ibiltzeko eta seriekoak, errepideetan ibiltzen direnak. Eta biek ala biek, aho zabalik utzi dituzte ikusleak. "Ikustera datorrenak lokatza egotea gurago izaten du baina pilotuek ez, askoz zikinagoa da eta autoendako ere ez da ona", dio Ibon Aranburuzabala antolatzaileak.

Azken urteotan ez da egon halako erakustaldirik eta jendea gogotsu zegoen, bazterrak jendez bete dira-eta. "Gure bailaran ez dago beste halakorik eta jendea gogotsu zegoen bai", argitu du Ibonek. 

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak