Goizeko lehen orduan egiten zuen euria ikusita, ibilbidea aldatu eta Gasteizera barik, Debagoienean barrena ibili dira Kirol Ellkartearen deiarekin bat egin duten eskoriatzarrak. 43 kilometro inguruko bizikleta martxa egitekoak ziren, baina eguraldia dela eta, motzagoa egin behar izan dute: "Urkulura, Bedoñara, Zubillagara, Arrasatera eta trenbidetik Eskoriatzara itzuli gara", azaldu dute parte-hartzaileek eta gehitu dute: "Busti egin gara, eta asmoa beste bat zen arren, ondo pasa dugu; paraje berriak ere ezagutu ditugu, gainera", azaldu dute.
Eskoriatzako Kirol Elkarteak antolatuta, Gasteizerainoko ibilaldia egitekoak ziren arren, goiz parteko bizikleta irteera egin dute azkenean dozena bat lagunek gaur, domeka, Eskoriatzan. Eguraldi txarrari aurpegi ona jarri, eta dozena bat lagun batu dira, ume zein nagusi.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak