Eskoriatzako Kirol Elkarteak antolatuta egun osoko bizikleta irteera egingo da domekan. 10:00etan batuko dira martxa egingo dutenak Huheziko aparkalekuan, eta bizikletak furgonetetan kargatu ostean, Marisa jatetxeraino igoko dira, ibilbidea handik hasteko. –Marisa-Isuskitza-Salburua-Ullibarri-Marisa– bidea egingo dute, guztira 43,19 kilometroko bidea izango dena.
Ez da erripa gogorrak dituen bidea izango, eta paisai ederrak ikusteko aukera izango da. Salburuko parkean bazkalduko dute bertaratuek, eta hezeguneko behatokitik hegaztiak behatzeko aukera izango dute gainera.
Bueltan, Ullibarri Gamboako urtegia zeharkatuko dute, eta Marisa jatetxean amaituko dute egun osoko martxa. Izena eman nahi duenak 609 96 61 27 telefonora deitu beharko du.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.