Esperientzia aberatsa izan dela azaldu dute Ibarraundi museotik, eta, horregatik, ikastaro gehiago antolatuko dituztela adierazi dute. Ikastaroa hiru hilabetekoa izango da, urriaren 13tik abenduaren 29ra arte, martitzenero. Heldu eta umeentzat izango da ikastaroa. Helduak 18:00etatik 20:00ak arte egongo dira eta umeak, 16:45etik 17:45ak arte. Gutxienez, hamabi pertsonako taldea egin gura dute, eta Ibarraunditik gonbidapena egin dute jendeak izena eman dezan.
Prezioak eta izen-emateak
Helduek 120 euro ordaindu beharko dituzte ikastaroan parte hartzeko, 40 euro hilero. Langabeek, berriz, 90 euro ordaindu beharko dituzte, 30 euro hilero; eta umeek 60 euro, 20 euro hilero.
Izena eman daiteke Ibarraundi museoan, ibarraundi@eskoriatza.eus helbidera idatzita edo 943 71 54 53 telefono zenbakira deituta, urriaren 9a baino lehen.