Kultura arloko diru laguntzak eskatzeko epea amaitzear dago

Irailaren 30ean, eguaztena, amaituko da kultura jarduera eta ekintzetarako diru laguntza eskatzeko epea. Hala, Eskoriatzako irabazi asmorik gabeko talde, elkarte edo norbanakoek 2015ean garatuko dituzten programen ezaugarriak eta aurrekontua aurkeztu beharko dituzte irizpide batzuen arabera.

Jarduera horiek Udaleko Kultura batzordeak dituen helburuekin bat etorri beharko dute; hau da, udalerrian kalitatezko kultura jarduerak eskaintzea eta Eskoriatzako herritarren eta gainerako kultura elkarteen arteko lankidetza bultzatzea.

Herritar guztiei zuzenduta egon beharko dute ekintzek, eta herrian bertan egin beharko dira. Kultura jarduerak mota guztietakoak izan daitezke: dantza, antzerkia, folklorea, arte plastikoak, ikus-entzunezkoak…

Eskaera tramitatzeko

Astelehenetik ostiralera 09:00etatik 14:30era aurkeztu ahal izango dira diru laguntzak, irailaren 30a baino lehen, udaletxeko harreran, edo, bestela, Eskoriatza.eus webgunean. Hain zuzen ere, eskaerak egiteko irizpide batzuk bete beharko dira, Eskoriatzako webgunean adierazten den moduan.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.