14:00etan, bazkaria izango dute Udal Pilotalekuan, eta elkarteko zaharrenek lore sorta eta opariak jasoko dituzte Udalaren eskutik. 97 urteko Pablo Ganboa eta 92 urteko Elena San Vicente izango dira omenduak. Eguna amaitzeko, berriz, dantzaldia izango dute.
Irailaren 29an bidaian
Irailaren 29tik urriaren 5era bidaia egingo dute Olazar elkartekoek. Bidaia horretan hainbat txango egingo dituzte Gaztelako zenbait herri eta hiritan. Besteak beste, Segovia, Aranjuez, Toledo, Cuenca, Madril…
Ostatu, berriz, Alcala de Henaresko Badel de Alcala de Henares hotelean hartuko dute, herriaren erdigunean, Cervantes plazaren ondoan.
Mugikortasunarekin bat
Aste osoan, egunero, Eskoriatzako ikastetxeetako haurrek kalera atera dituzte zaharren egoitzako hainbat erretiratu. Zubiate, Huhezi, Ibarraundi, liburutegia eta Zaldibar aretoa ikustera atera dituzte, eta, bide batez, une eder bat pasatu dute elkarrekin.