Hiru urte bete ditu Eskoriatzako Goitibehera Zaleak taldeak antolatutako Apotzagako lasterketak. Domekan, Ibai Zumalakarregi gernikarrak lortu zuen podiumeko lehenengo postua, atzetik Jokin Gutierrez ligako txapelduna geratu zen bigarren postuarekin eta brontzezko saria, Julen Marquezek eskuratu zuen, azken biak bergararrak.
Herritar askok hartu zuten parte jaitsieran, 18 eskoriatzar ausartu ziren lasterketan parte hartzen. Hauetatik denborarik onenak, Gorka Urrutiak, Lander Mediavillak eta Josu Otxoak egin zituzten, hurrenez hurren.
Lasterketa arazo berezirik gabe burutu zen. Goitibehera bat irauli egin zen jaitsierako azken zuzenean, eta beste batek kontrola galdu eta hesiaren kontra jo zuen, jaitsiera ikusten ari zen ume baten hanka joz. Baina, gertaera horiek ez zuten aparteko ondoriorik izan.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.