Garagardo azoka solidarioak iaz baino afari gehiago eman ditu aurten

Leire Kortabarria 2015ko ira. 19a, 17:57
Alaitzen taldearen emanaldia garagardo azokan.

Iaz baino afari gehiago izan dira aurtengo garagardo azoka solidarioan, eta pozik zeuden antolatzaileak. Egubakoitz gauean talde askok aukeratu zuten garagardo azoka afaritara joateko. Jose Arana zaharren egoitzari laguntzeko antolatu dute azoka, eta parte hartu dute Eskoriatzako elkarteek eta merkatariek ere. Bihar, domeka, bukatzen da.

Nagusien egoitzan obra batzuk egiten dabiltza, eta diruz laguntzeko antolatu dute garagardo azoka. Egoitzako zuzendari Dorleta Sologaistoaren esanetan, "iazko martxan joan da azoka, baina afari gehiago enkargatu dira aurten; janari asko ekarri da eta 1.800 litro garagardo ere bai".

Egubakoitzean tonbola ere egin zuten, baina zapatuan ziren kentzekoak.

Garagardoari dagokionez, askotarikoak zeuden dastatzeko; garagardo alemanak, gehienak, baina baita Arrasateko Zerb garagardoa eta aurtengo nobedadea, Desperados garagardoa. Dirudienez, ordea, jendeak gurago izan ditu aukera tradizionalagoak, betikoak.

Egubakoitz gauean, Eskoriatzako Alaitzen taldeak mexikanadekin girotu zuen azoka, eta segidan, Hankamotx bertso eskolakoek ikasturte hasierako ekitaldia egin zuten han bertan.

Erlazionatuak

Garagardo azoka solidarioa

Leire Kortabarria 2015 ira 19 Eskoriatza

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak