Euskaraz berba egiteko Mintzodromoa antolatu dute

Imanol Beloki 2015ko ira. 17a, 14:00
Mintzodromoa kartela.

Eskoriatzako Berbalagunek antolatuta, euskaraz berba egiteko Mintzodromoa prestatu dute datorren egubakoitzerako, irailaren 25erako. Berbalagunen izen-emate kanpaina abian jartzeko lehen ekintza izango da.

Hala, talde txikietan eserita ordubetez euskaraz berba egiteko batuko dira euskara praktikatu, ikasi eta erakutsi nahi dutenak. Plazan mahaiak egongo dira, eta, horietako bakoitzean, herriko gai baten gaineko solasaldia egingo dute. Miriam Isasmendi Berbalagunen koordinatzailearen esanetan: "Gure presentzia sumatzeko kalera atera nahi izan dugu, eta hurbiltzen direnek euskara praktikatzeko, jende ezberdina ezagutzeko aukera… izango dute".

Mintzodromoa 19:00etan hasiko da, eta izena eman nahi duenak kultura etxera joanda, berbalagunak@gmail helbidera idatzita edo 661 746 376 telefonora deituta egin dezake. Gainera, egunean bertan ere eman ahal izango da izena, zazpiak aurretik plazara joanda.

Saioa amaitzeko, luntxa

Euskaraz jardun ondoren, Mintzodromoan parte hartu dutenentzako luntxa izango da, 20:00etan, herriko plazan.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak