Erronka handiekin ekingo dio denboraldiari Eskoriatza kirol elkarteak

Eskoriatza kirol elkarteko kirolari guztiak elkarrekin.

Eskoriatza kirol elkarteak zapatu eguerdian aurkeztu ditu 2015-2016 denboraldian norgehiagokan jardungo duten taldeak. Presidente den Javi Corbalek denboraldirako dituzten erronken berri eman du. Saskibaloiko senior taldeak sasoi bateko maila berreskuratzeko egingo dute lan, eta hala, Final Four-ean sartzen ahalegindu. Areto futbolari dagokionez, Euskal Ligan jokatzen duen taldea hirugarren mailara igotzea da helburua.

Plazan elkartu dira kirolari guztiak eta horien entrenatzaileak eta arduradunak. "Herritarrek jakin dezaten elkartearen inguruan zenbat ume eta gazte dabiltzan egin dugu aurkezpena plazan", jakinarazi du Corvalek. Badaki jarritako erronkak galantak direla, eta guztiak behar bada ezingo dituztela lortu, baina lanerako gertu agertu da. 

Seniorrak indartu

Saskibaloian seniorrak indartzea da asmoa eta horretan lagunduko diote juniorrek: "Final Four-ean sartzea litzateke erronka", dio. Kadeteei dagokienez, bi talde dituzte eta indartsuena goiko mailara igotzea da helburua. Era berean, infantiletan errendimendu eta parte-hartze taldeak egingo dituzte.

Areto futbola

"Euskal Ligan dabilen taldeak iaz denboraldi benetan polita egin zuen eta bosgarren bukatu liga. Aurten ere goiko postuetan ibiltzea gura dugu eta ahal bada hirugarren mailara igo", jakinarazi du Corvalek. Lehenengo erregional mailan dabilen taldeak ere preferente mailara igotzea gurako luke. Gazteei dagokienez, ostera, badaki aurten lan egitea tokatuko zaiela oso gazteak direlako.

 

Erlazionatuak

Eskoriatza kirol elkarteko taldeen aurkezpena

Eskoriatza

2015-2016 denboraldiko taldeak aurkeztu ditu Eskoriatza kirol elkarteak. Saskibaloian honako maila hauetan lehiatuko dute: haurrak, kadeteak, gazte...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.