Eskoriatzako Marin auzoko jaiak, Madalenak, izango dira aste bukaera honetan

Bihar, zapatua, 18:00etan hasiko dira Maringo auzoko jaiak, eta jaiei hasiera emateko etxafuegoak botako dituzte. Horren ondoren, festa kanpaiak joko dituzte Arientzako kanpai-jotzaile eskolakoek, eta 21:00etan, auzo-afaria egongo da Leixarrape elkartean. Egunari amaiera emateko, 23:00etan, erromeria izango da Jainaga eta Narbaiza trikitilariekin. Domekan, berriz, 12:00etako mezaren ondoren, luntxa egingo dute, eta hala amaituko dira Maringo Madalena jaiak.