Bolero doinuek zabaldu dute Errekan Gora

Mirari Altube Arrese 2015ko uzt. 5a, 15:52
Laukote taldeko kantariak eta atzean Gehi Zazpi taldeko zortzi biolontxelo jole.

4kotegehi7 taldeko kideek zabaldu zuten atzo, uztailak 4, Errekan Gora jaialdia. Bolero doinuak ekarri zituzten Durango aldetik Huheziko klaustrora, biolontxeloen doinuetara moldatutako doinuak hain zuzen, eta herritarrek ezin gusturago jarraitu zituzten.

Bésame mucho, Acércate más, Contigo aprendí… eta betikoak diren beste hainbat bolero kantatu zituzten Laukote taldekoek. Horiei lagun egin zieten Gehi Zazpi taldeko zortzi biolontxelo jolek, eta boleroak ere ondo baino hobeto egokitzen direla doinu klasikoetara erakutsi zuten.

Zapatuko kontzertuak Atxorrotx kultura elkarteak antolatutako Errekan Gora jaialdia zabaldu zuen. Datorren zapatuan, hilak 18, ostera guztiz bestelako doinuak izango dira; Tolosako Glaukoma taldeak rap, reggae eta metal ukituak ekarriko ditu Gernika plazara, 22:30ean. Uztailaren 24an, ostera, Kalakan taldea izango da Santa Marina plazan; eta 25ean, Fermin Balentzia kantautorea Azkoaga tabernan.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak